Veldeke Heerlen
In samenwerking met Veldeke Heerlen is deze website vanaf nu ook in Heerlens Dialect beschikbaar.
DIKTEE
Óp dónnesjtig der 19e November 2009 vóng 't Groeët Heëlesj Diktee (in 't Heëlesj Plat) plaatsj in waal ing hieël biezónger umgeëving, namelik in d'r Roadszaal van 't roadhoes va Heële. Heëlenere en anger Parksjtad i-woeëner, woeë-ónger verscheie prominente i-woeëner gónge mit-ee in der sjlaag um d'r titel "Betste Diktee sjriever/sjriefster va Heële".
't Diktee woeëd geöapend durch d'r Burgemeester va Heële. Doabei koam 't in ing tv-oetzending en vóng 't plaatsj mit publiek en pers d'rbei.
WUNSJKAATE-AKTIE
Aavangs December sjtarte vier same mit d'r Mediagroep Limburg (oetgeëver van 't Limburgs Dagblad en Dagblad De Limburger) ing wunsjkaate-aktie. 't Weëd da meigeligk um wunsjkate mit Heëlesje óngerwerpe en tekste te besjtelle, ofwaal óngerwerpe en tekste oet d'r Krink Heële & Umsjtrieëke.
Mieë informasie hei-uëver kump binnekót in de Limburgse gezette en óp ós website (www.veldeke-heerlen.nl).
KRISWANDELING
Op zóndigmiddig d'r 13e December 2009 organiseert Veldeke Heële & Umsjtrieëke ing kriswandeling in de binnesjtad va Heële. De dilnummer trekke lopentere va gebouw noa gebouw. In de lokasies die dizze middig sjpesiaal oape zint vuur de dilnummer vinge aktivitete plaatsj rónk dialek en volkskultoer in kris-sfeer; moeziek, kótte krisverhoale, kribkes bezeuke en/of informasie uëver de historie van de gebouwe.
Jieëkerinne kint mit doeë, De toch geet ónger alle weersumsjtendighede durch.
Mieë informasie:
Mieë informasie: www.veldeke-heerlen.nl